Montalban Landfill

Muntik na kong mapahamak sa walang lugar kong katapangan...
Biruin mong nag-away na si DENR Sec. Lito Atienza at Montalban Mayor Pedro Cuerpo
at may balak pa kong manggatong! hahahaha

Buti na lang duwag si Atienza at tumakas na lang siya sa kawalan, dahil wala siyang maisasagot
sa mga isyung patungkol sa Landfill sa Montalban. Hanggang salita na lamang siya na mayroong "Report" ang DENR tungkol sa problema sa landfill ng Montalban. Ngunit wala naman siyang mapakitang dokyumento.

Kung magkataong hindi muna umeskapo si Atienza sa Press Con eh malamang nagsapakan na sila ni Mayor Cuerpo at malamang napagbantaan na niya ko dahil sa panggagatong ko.

Ang isyu sa Montalban Landfill ay kasalukuyang itinatago sa media, at wala ni isang istasyon sa TV ang makapasok rito, dahil hinaharangan ni Governor Jun Ynares. Protektado din ito ng mga armadong tauhan ng gobernador.

Ang pinagtataka ko lang ay bakit walang lakas na loob ang mga media outfit na magtanong tugkol sa isyung ito, at hinintay pa nila na ako ang mag-bukas ng topic upang hindi sila mapahamak. Naturingan pa naman silang "walang kinikilingan at walang pinoprotektahan", at "naglilingkod saan man sa mundo", pero anu? duwag din pala sila.